Հարյուրավոր երկրպագուներ հավաքվել են Քեյթ Ֆլինտին հրաժեշտ տալու, գրում է The Daily Mail-ը: Հրաժեշտ տալու եկել էր նաև Ֆլինտի սիրելի շունը՝ Սայրուս անունով։
Մեծ Բրիտանիայի The Prodigy խմբի մենակատար Քեյթ Ֆլինտի հրաժեշտը տեղի ունեցավ մարտի 29-ին: Անգլիայի Էսսեքսի դքսության փողոցներում հարյուրավոր երկրպագուներ եւ մի քանի հայտնի մարդիկ հավաքվել էին՝ հրաժեշտ տալու երգչին:
Կեյթ Ֆլինտի նախկին կինը՝ Մայումի Քայը նույնպես ժամանել էր հրաժեշտի արարողությանը. նա խոր վշտի մեջ էր: Ինչպես հայտնի է, նախկինում ԶԼՄ-ները տեղեկություններ են տարածել, թե Ֆլինտը ինքնասպանություն է գործել ամուսնալուծության պատճառով:
Երաժշտի դագաղը բերել են սբ. Մարիամ եկեղեցի. հնչում էր Out оf space երգը: Հոգեհանգստի արարողությունը փակ էր. Ներկա էին միայն Ֆլինտի հարազատներն ու ընկերները: Մյուսների համար արարողությունը հեռարձակվել է բարձրախոսներով:
Երեք շաբաթ առաջ Prodigy-ի երգիչ Քեյթ Ֆլինտը ինքնասպանություն էր գործել: Նա հայտնաբերվել է մարտի 4-ին, Էսսեքս դքսության Նորթ Էնդ քաղաքի իր տանը: Ուրբաթ՝ մարտի 29-ին, նրա երկրպագուները դուրս եկան փողոց, որպեսզի հրաժեշտ տան The Prodigy-ի երգչին։
