Կոնվերս Բանկը սկսում է մրցույթների շարք՝ նվիրված հայ մեծերին, ում հոբելյանն ենք նշում այս տարի: Սա Կոնվերս Բանկի հերթական մշակութային նախաձեռնությունն է, որի նպատակն է հայ մեծանուն գրողների մշակութային ժառանգության հանրայնացումը, նրանց ստեղծագործությունների նկատմամբ հետաքրքրության խթանումը:
Մրցույթներից առաջինը կիրականացվի ապրիլի 1-ից մայիսի 15-ը և նվիրված կլինի հայ մեծանուն գրող Հովհաննես Թումանյանի 150-ամյակին:
Թումանյանի ստեղծագործությունների հիման վրա #Լոռվագույներ խորագրով գեղանկարչական աշխատանքների մրցույթը նախատեսված է մինչև 12 տարեկանների համար: Դրա շրջանակներում Կոնվերս Բանկն առաջարկում է .
– Նկարել Թումանյանի ստեղծագործությունների՝ Ձեր սիրելի հերոսներին, ստեղծել գեղանկարչական աշխատանքներ՝ մեծ հայ գրողի ստեղծագործությունների հիման վրա կամ թղթին հանձնել ձեր պատկերացումները Թումանյանի արվեստի շուրջ,
-Լուսանկարը ուղարկել Կոնվերս Բանկի ֆեյսբուքյան էջին, իսկ բնօրինակը, հնարավորության դեպքում, հանձնել Բանկի մոտակա մասնաճյուղ կամ ուղարկել Երևան, Վազգեն Սարգսյան 26/1 հասցեով,
-Հավաքել առավելագույն քանակով լայքեր,
-Ստանալ նվերներ Կոնվերս Բանկի կողմից:
Մրցույթն անցկացվում է երկու փուլով՝ ապրիլի 1-ից ապրիլի 30-ը կընթանա գեղանկարչական աշխատանքների հավաքագրումը: Մայիս 1-ին գեղանկարչական աշխատանքները կհրապարակվեն Կոնվերս Բանկի ֆեյսբուքյան էջում, ինչով կազդարարվի ընտրական փուլի մեկնարկը:
Աշխատանքներից մի քանիսը կցուցադրվեն հունիսի 1-ի կապակցությամբ Բանկում կազմակերպվելիք գեղանկարչական աշխատանքների ցուցադրությունում, որի բացմանը ակնկալում ենք նաև մրցույթի մասնակիցների մասնակցությունը:
