Thursday, 28 03 2024
00:58
Հայաստանի հավաքականն ընկերական խաղում զիջեց Չեխիային
00:54
Վրաստանի ֆուտբոլի ազգային թիմը Եվրոպայի առաջնության ուղեգիր նվաճեց
22:12
Հայաստանի ֆուտբոլի ազգային թիմը Երևանում զիջեց Կոսովոյին
14:53
2 ոսկե, 1 արծաթե, 1 բրոնզե մեդալներ. աշխարհի գավաթի արդյունքները
15:46
Ավելին կարող էի, կուղղեմ սխալներս. Եվրոպայի կրկնակի չեմպիոն Գոռ Սահակյան
15:44
Ուժերս հավաքեցի, կռիվ տվեցի ու առաջին տեղը գրավեցի. Ալեքսանդրա Գրիգորյան
15:42
Արեցի՝ ինչ կարող էի ու հաղթեցի. Եվրոպայի չեմպիոն Վարազդատ Լալայան
15:41
Չեմպիոնության ճանապարհը հեշտ չէր. Հակոբ Մկրտչյան
15:40
Մեդալի գույնը կապ չունի. կարողացա խոստումս պահել, բարձրացնել մեր դրոշը, Հռիփսիմե Խուրշուդյան
21:10
Զուռնա-դհոլով ու դափնիներով դիմավորեցին չեմպիոններին
16:11
Չեմպիոնության համար էի գնացել, հավատում էի, որ կհասնեմ. Արման Անդրեասյան
16:10
Նախ՝ ադրբեջանցի, հետո էլ՝ թուրք մրցակիցներին հաղթեց 10-0 հաշվով ու դարձավ Եվրոպայի քառակի չեմպիոն
Ինչպես գործարքի գնալ ռուսների հետ․ Մանրամասներ Սևիկյանի տրանսֆերից
300․000 եվրո` Ռուսաստանից գնալու համար․ Հայ ֆուտբոլիստի որոշման արժեքը․․․
Մխիթարյանի պատմական ցուցանիշը․ Հայ ֆուտբոլիստը` լավագույն հնգյակում
12:45
Հայաստանի ռեկորդն առանց աշխարհի չեմպիոնի
Լավագույն տղերքը վերադառնում են․ Ֆուտբոլը փրկելու առաջին քայլը․․․
Ռուսաստանի լավագույններն առանց ռուսների․ Ո՞վ կհաջորդի Զախարյանին
«Փյունիկի» պատասխանը ՀՖՖ-ին․ Արթուր Սողոմոնյանը կփոխի՞ որոշումը
Սպերցյանը՝ «Յուվենտուսի» դիտակետում․ Ե՞րբ կկայանա գործարքը
Տարվա գործարքը․ Նոր պայմաններ Հայաստանի լավագույն ֆուտբոլիստի համար
Հաղթել ենթախմբում․ Ինչ է սպասվում Հայաստանի հավաքականին 2024 թվականին
Հայաստան-Ալբանիա․ 2024 թ․ առաջին մեծ իրադարձությունը հայկական սպորտում
2023 թվականի Հայաստանի 10 ամենթանկ ֆուտբոլիստները
12:40
Պատական հաջողություն Երևանում․ 2023 թվականի ոսկե փայլատակումը հայկական սպորտում
12:40
+128 մեդալ․ Հայաստանի նոր ռեկորդը սպորտում
Ինչ է արել Պետրակովը Հայաստանի հավաքականի համար․ Թվեր և փաստեր
Ալեքսանդր Պետրակովը՝ Հայաստանի 2023 թ. լավագույն մարզիչ
Հենրիխ Մխիթարյանը՝ Հայաստանի 2023 թ. լավագույն ֆուտբոլիստ
ՀՖՖ-ի որոշումը Պետրակովի վերաբերյալ․ Գալիք տարվա մեր նպատակը․․․

Նիկոլ Փաշինյանի պատմական ֆուտբոլային քայլը…

ՀՀ վարչապետ Նիկոլ Փաշինյանը 2020 թվականի Եվրոպայի առաջնության ընտրական փուլի Ֆինլանդիայի հետ հանդիպումից առաջ հանդիպեց Հայաստանի ազգային հավաքականի ֆուտբոլիստների հետ: Վերջին օրերին մեր հավաքականը հասարակության ուշադրության կենտրոնում է: Բոսնիա և Հերցեգովինայից կրած պարտությունից հետո, ոմանք հիասթափվեցին պնդելով, որ հայկական ֆուտբոլում ոչինչ չի փոխվել և ազգային թիմը շարունակում է տխուր ավանդույթները: Այո, մեր հավաքականը չտպավորեց չնայած որ բոլորս ակնկալում էինք դրական արդյունք: Բնական է, եթե չլինի հաղթանակի հեռանկար, հաղթելու հույս, հավատ հաղթանակի նկատմամբ, ֆուտբոլ դիտելն այլևս անիմաստ կլիներ:

Յուրաքանչյուր խաղում մենք, մեր հավաքականից, մեր ֆուտբոլիստներից ակնկալում ենք հաղթանակ անկախ նրանից խաղում ենք Իտալիայի, Բոսնիայի թե Լիխտենշտեյնի դեմ: «Ազգային հավաքականն իր պատմության ընթացքում ցնծության բազմաթիվ պահեր է պարգևել բոլորիս: Ինքս նախկինում բազմիցս ազգային հավաքականի խաղերին հետևել եմ մարզադաշտից՝ իմ ընտանիքի անդամների հետ, և դա միշտ եղել է մեծ հաճույք: Իհարկե, եթե խաղի արդյունքը բավարարել է՝ առավել մեծ հաճույք է եղել, իսկ եթե այն այդքան էլ չի բավարարել՝ մենք շատ ուրախ և հպարտ ենք եղել, որ հավաքականի կողքին ենք այդ ծանր փորձության պահին: Այս առումով, հույս ունեմ, որ առաջիկայում կունենանք հաջողություններ: Շատ կուզենայի, որ այն ոգին, որ այսօր կա Հայաստանի Հանրապետությունում՝ քաղաքացիական հանրային կյանքի առումով, արտահայտվում է և կարտահայտվի նաև Հայաստանի ազգային հավաքականի խաղում:

Ուզում եմ հաջողություն մաղթել ձեզ առաջին հերթին վաղվա խաղում, բայց կարծում եմ, որ առաջին կարևոր հոգեբանական պահը, որ պետք է ունենանք՝ հետևյալն է. Հայաստանի ժողովուրդը, մարզասերները, անկախ խաղի կոնկրետ արդյունքներից՝ միշտ մեր հավաքականի կողքին պետք է լինեն և կարծում եմ, որ այդ հոգեբանական պահն է կարևոր: Հոգեբանական բեռը հնարավորինս պետք է թեթև լինի և մեր հավաքականը չպետք է խաղի նկատմամբ վախի որևէ զգացում ունենա՝ ձեզ հայտնի տրամաբանության մեջ »,- մեր ֆուտբոլիստների հետ հանդիպման ասել է Փաշինյանը: Վերջինիս խոսքերը մեկնաբանության կարիք կարծում ենք չունեն: ՀՀ վարչապետի այս հանդիպումը լոկ հանդիպում կամ զրույց ֆուտբոլիստների հետ չի կարելի որակել: Փաշինյանը Հայաստանի բոլոր ղեկավարներից միակն է, որը հստակ կերպով ներկայացրեց մեր երկրի ֆուտբոլային գաղափարախոսությունը: Ճիշտ չի լինի ասել, որ այն գոյություն չուներ: Իհարկե ուներ, բայց այդ գաղափարախոսությունը տեղ ուներ հասարակության որոշ հատվածի գիտակցության մեջ: Առաջին անգամ երկրի առաջին դեմքի մակարդակով կարևորվեց ազգային թիմի դերը: Թիմ, որը ներկայացնում է երկիր և նույնիսկ պարտության դեպքում պետք է հպարտ լինել, որ ծանր պահին եղել ենք մեր պետության ներկայացուցչի կողքին:

Այս գաղափարախոսությամբ առաջնորդվելու պարագայում վստահ ենք մեր հավաքականը, մեր ֆուտբոլը ժամանակի ընթացքում առաջ կընթանա: Եղել են դեպքեր, երբ Հայաստանի հավաքականը Երևանում խաղացել է գրեթե դատարկ տրիբունաների պայմաններում: Երկրպագուն բոյկոտում էր, որի համար կային օբյեկտիվ և սուբյեկտիվ պատճառներ: Երկրպագուն վրդովված էր, որ իր հավաքականը դարձել է ինչ-որ մեկի կամ մի քանիսի սեփականությունը: Այսօր, երբ բոլորովին այլ իրավիճակում ենք, կարող ենք փաստել, որ բոյկոտը որևէ դրական հետևանք չունեցավ: Հավաքականի տղաները հասկացան, որ իրենք մենակ են: Հավաքականի ֆուտբոլիստները սակայն ամենևին էլ մեղավոր չէին, որ ինչ-ինչ պատճառներով կտրվել էին հասարակությունից: Նման իրավիճակում հաղթանակի հասնելու հավանականությունը դարձել էր 0: Ու հիմա ստիպված ենք ամեն ինչ սկսել 0-ից: Բայց նույնիսկ հայկական ֆուտբոլի համար մղձավանջային ժամանակահատվածում մարզադաշտում կային մարդիկ, որոնք ազգային թիմի կողքին էին և մարզադաշտից հեռանում էին հպարտ: Ու եթե չլիներ գիտակից մարդկանց այդ զանգվածը հնարավոր է, որ այսօր շատ ավելի ծանր վիճակում լինեին:

Ինչևէ, ֆուտբոլիստների հետ հանդիպման ժամանակ Փաշինյանն արել է ևս մեկ կարևոր հայտարարություն, որն արտացոլում է ՀՀ իշխանության տեսլականը մարզաձևի առաջխաղացման վերաբերյալ: «Մենք քիչ առաջ քննարկում էինք Հայաստանում ֆուտբոլի զարգացման հեռանկարները: Մեր քննարկման առանցքում էր այն, որ ֆուտբոլի միջոցով կարելի է փոխել հանրային կյանքի և հարաբերությունների ողջ բովանդակությունը, ընդհուպ փոխել մարդկանց ինքնազգացողությունը և ինքնագնահատականը որպես քաղաքացի, որպես հանրություն: Իհարկե, ֆուտբոլի միջոցով կարելի է փոխել նաև երկրի և հանրության տրամադրությունը»,- նշել էր Փաշինյանը: Այո ֆուտբոլը հասարակությանը միավորող և համախմբող հզոր ուժ է, որը ճիշտ օգտագործելու դեպքում կարելի է էլ ավելի առողջացնել հասարակական կյանքը:

Նման արդյունքի հասնելու համար անհրաժեշտ է կատարել առաջին քայլը՝ գնալ մարզադաշտ, լինել ազգային հավաքականի կողքին և անկախ արդյունքից ստադիոնից հեռանալ հպարտ:

Բաժիններ
Ուղիղ
Լրահոս
Որոնում