Դա քաղաքացու օրն է և Հայաստանի Հանրապետության յուրաքանչյուր ազատ քաղաքացի պետք է նշի այդ օրը։ Այս մասին «առաջին լրատվական»-ի հետ զրույցում նշեց «Իմ քայլը» խմբակցության պատգամավոր Անի Սամսոնյանը՝ անդրադառնալով ապրիլի վերջին շաբաթ օրը «քաղաքացու օր» նշելու իշխանության նախաձեռնությանը։ «Այն ունի խորհրդանշական նշանակություն և քաղաքացիներին ևս մեկ անգամ հիշեցնելու է, որ իրենցից յուրաքանչյուրը այս պետության հիմնաքարն է, պետության միջուկն է, և դա պետք է պարտավորեցնող լինի քաղաքացիների համար, որպեսզի իրենք որպես պետության միավոր, իրենց աշխատանքով, իրենց գործունեությամբ, իրենց ներդրումով կարողանան մասնակցել պետության զարգացմանը»,-ասաց Սամսոնյանը։
Հարցին, թե արդյոք «Լուսավոր Հայաստանը» կողմ կքվեարկի այս նախագծին, ԼՀԿ պատգամավորը պատասխանեց, որ իրենք խմբակցությունում դեռ չեն քննարկել այդ հարցը» «Մեզ համար այս պահին կան ավելի կարևոր խնդիրներ և չեմ կարծում, որ առանձին այս հարցը պետք է քննարկել՝ ունենալ նման օր, թե ոչ։ Ցանկացած օր, որը նշվում է որպես տոն Հայաստանում, ողջունելի է։ Դա մարդկանց տալու է ուրախանալու, երջանկության, ընկերական, ընտանեկան, գործնական շրջանակներով հավաքվելու առիթ»։
