Հոլիվուդյան աստղ Ջոն Տրավոլտան և օսկարակիր դերասանուհի Հելեն Միրենը ներկա են եղել մոսկովյան Ritz Сarlton հյուրանոցում դասական արվեստի ոլորտում BraVo մրցանակաբաշխության դափնեկիրների և հյուրերի համար կազմակերպված գալա ընթրիքին՝ երեկոյի ընթացքում գտնվելով ՌԴ նախագահի մամուլի խոսնակ Դմիտրի Պեսկովի շրջապատում:
Բուն մրցանակաբաշխությունը տեղի է ունեցել նախօրեին՝ Մեծ թատրոնում, իսկ Տրավոլտան և Միրենը եղել են միջոցառման պատվավոր հյուրերի ցանկում, հաղորդում է ria.ru-ն:
Ընթրիքին ներկա են եղել նաև համաշխարհային ճանաչում ունեցող ռուս պարող Սերգեյ Պոլունինը, իռլանդացի երաժիշտ Քրիս դե Բուրգը, ամերիկացի երաժիշտ Մայքլ Բոլթոնը:
Ջոն Տրավոլտան իր ողջույնի խոսքում ասել է, որ «անցած երեկոն, անկասկած, եղել է իր երկար կյանքի ամենաառանձնահատուկ երեկոներից մեկը»:
«Տաղանդներն այնքան շատ էին, որ նրանցով կարելի է լցնել տիեզերքը»,- ասել է դերասանը:
Իսկ ռուսական ծագմամբ Հելեն Միրենն իր ելույթում ասել է. «Իսկ հիմա բոլորդ կլռեք, քանի որ խոսելու եմ ես՝ Ելենա Միրոնովաս: Ես առաջին անգամ Մոսկվայում եմ եղել 1969թ.՝ Շեքսպիրյան թատրոնի հետ: Մեր ներկայացումների առաջին շարքերում նստած էին տատիկներ, որոնք Շեքսպիր էին դիտում անգլերենով: Նրանք այնպիսի զգացմունքային տարվածությամբ էին նայում, որ հենց այդ ժամանակ ինչ-ինչ բաներ հասկացա ռուսների մասին, հասկացա՝ որքան խորն է ձեր հոգին և ինչպես եք դուք հասկանում պոեզիան»:
