Մեծ Բրիտանիայի Մանչեսթեր քաղաքում սկսել են Enviro200 ինքնավար ավտոբուսի փորձարկումը: Այս մասին հաղորդվում է Alexander Dennis Limited արտադրող ընկերության կայքում:
11,5 մետր երկարությամբ ավտոբուսը նախատեսված է 43 ուղևորի համար: Այն հագեցած է տեսախցիկով, ռադարով, լիդարով, ուլտրաձայնային տվիչով և արբանյակային նավիգացիայով: Ավտոբուսը կարող է ճանաչել առարկաները և խուսափել դրանց հետ բախումից եղանակային ցանկացած պայմանների դեպքում, ցերեկը և գիշերը:
Այժմ ավտոբուսը փորձարկվում է մանչեսթերյան կայանատեղիում, որտեղ սովորում է մանևրել և կայանվել: Հավանաբար, արդեն հաջորդ տարի այն կսկսի ուղևորներ տեղափոխել:
