Ֆրանսիայի Բրիվ լա Գայրադ քաղաքի դատարանը ծնողներին պարտավորեցրել է նոր անուն տալ երեխային, փոխանցում է As-ն։
Զույգը ցանկացել է որդուն անվանակոչել ի պատիվ ֆուտբոլիստներ Անտուան Գրիզմանի և Կիլիան Մբապեի։
Տվյալ ցանկությունը կապված է այն բանի հետ, որ 2018-ի հուլիսին Ֆրանսիայի հավաքականը Ռուսաստանում նվաճել է աշխարհի չեմպիոնի կոչումը, իսկ Խորվաթիայի դեմ եզրափակչում Գրիզմանը և Մբապեն մեկական գոլի հեղինակ են դարձել։
Պետք է նշել, որ Ֆրանսիայի օրենսդրությունը ծնողներին թույլատրում է երեխաներին գրեթե յուրաքանչյուր անվամբ անվանակոչել, սակայն անունը չպետք է վնասի մարդու շահերին՝ չպետք է լինի վիրավորական կամ ծիծաղելի, բարդ, ինչպես նաև օտարերկրյա խորհրդանիշեր և թվեր պարունակի։
