Միջին հաշվով, հնդիկ զբոսաշրջիկն արտերկրում կատարած գնումների ժամանակ ծախսում է 25 հազար ռուփի (359 դոլար): Ավելին, հանգստացողների 17% -ը պատրաստ է 50 հազար ռուփին (719 դոլար) գերազանցող գումարից բաժանվել, իսկ 27%-ի ծախսերը չեն գերազանցում 10 հազար ռուփին ($ 144): Մոտ 45%-ը գոնե մեկ անգամ որևէ մեկին նվեր է տալիս: Շատ հաճախ զբոսաշրջիկներն իրենց հետ շոկոլադ են տուն տանում (49%), նորաձև հագուստ և աքսեսուարներ (17%): Այս եզրակացության են եկել MakeMyTrip ընկերությունում, որը հարցումներ է անցկացրել շուրջ 1200 հնդիկ զբոսաշրջիկների շրջանու, գրում է kommersant.ru-ն:
Հնդիկ զբոսաշրջիկներին բարկացնում է հյուրանոցային համարում ցնցուղի կամ զուգարանի թղթի բացակայությունը (52%): Նրանք չեն սիրում այլ տեսակի վարդակներ (39%) և հնդկական սննդի պակաս (36%): Զբոսաշրջիկների մեծ մասը (70%) անհարմար է զգում երբ հանգստյան վայրում ստիպված է ծորակի ջուր խմել։
Զբոսաշրջիկների 71% -ը նախընտրում է հանգիստն անցկացնել լողափին, իսկ 69%-ը ժամանակ առ ժամանակ սոցիալական ցանցերում հրապարակում է իրենց ճանապարհորդությունների լուսանկարները: Հնդիկ զբոսաշրջիկների գրեթե մեկ երրորդը (32%) մինչև հինգ տարեկան երեխաներին թողնում է տանը: Առավել հաճախ՝ հեռանալիս հյուրանոցից իրենց հետ տանում են լոգարանի, գրասենյակային, անհատական խնամքի պարագաներ և կոշիկի խնամքի քսուքներ։
