Մեր երկրում իրականացվող էներգետիկ քաղաքականությունն ավանդականորեն եղել է բավականին զարգացած, բարձր մակարդակի վրա: Այս կառավարության ծրագրի մեջ արտացոլվել են որոշ կարևոր հանգամանքներ, կան որոշ բացթողումներ, ինստիտուցիոնալ առումով պարզ չէ, թե ինչպես են իրականացվելու այդ ամբիցիոզ ծրագրերը: Այս մասին «Առաջին լրատվական»- ի հետ զրույցում ասաց «Ազգային օրակարգ» կուսակցության համահիմնադիր Հայկ Շեկյանը:
«Էներգետիկ անկախության հասնելը շատ կարևոր և ռազմավարական խնդիր է: Այս առումով ամենակարևորը ոլորտի գործող ենթակառուցվածքները և կարգավորումները օպտիմալիզացնելն է: Նախևառաջ շատ կարևոր է, որ կարողանանք կարգի բերել թե՛ արտաքին, թե՛ ներքին հարաբերությունները, շատ կարևոր է, որ հասնենք գազի արդար գնի: Այսօր գազը ներմուծվում է Ռուսաստանից և Պարսկաստանից, և հասարակության համար անհասկանալի է, թե ինչպես են ձևավորվում գազի գները: Ճիշտ է, կան պայմանագրեր և որոշակի սկզբունքներ, սակայն աշխատանքի մեխանիզմները պարզ ու հասկանալի չեն»,- նշեց Հ. Շեկյանը:
Մանրամասն՝ տեսանյութում:
