«Մամուլի հետ սուրճ» հաղորդման մարտի 15-ի հյուրը իրավապաշտպան, ֆոտոլրագրող Արման Վեզիրյանն է։
Մեր զրուցակիցն անդրադարձավ Օպերայի հարակից տարածքի սրճարանների ապամոնտաժման խնդրին և նշեց.«Քաղաքապետարանի դիրքրոշումը ճիշտ է, բայց կա մի «բայց»։ Դա ամենաառաջնային խնդիրը չէր և կարելի էր ժողովրդին հուզող մնացած հարցերը լուծել, մարդկանց սոցիալական վիճակը բարելավել, նոր անցնել այս հարցին։ 25 տարի այսպես ապրել ենք, մի քանի տարի էլ կապրեինք»։
Արման Վեզիրյանն ակտիվորեն լուսաբանել է Մարտի 1-ի իրադարձությունները, անդրադառնալով գործի քննությանը, նշեց.«Այն մեղադրանքը, որը հասցեագրված է երկրորդ նախագահ Ռոբերտ Քոչարյանին՝ Սահմանադրական կարգի տապալում, գուցե դրա բացահայտմանը մոտենում ենք, բայց բուն տաս զոհերի սպանության մասով՝ դեռ երկար ժամանակ կպահանջվի»։
