Մարտի 11-15-ը Ադրբեջանը լայնածավալ զորավարժություններ կանցկացնի։ Դրանք կգլխավորի պաշտպանության նախարար Զաքիր Հասանովը։ Այս մասին գրում են տեղական ԶԼՄ-ները՝ ՊՆ հաղորդագրությունը վկայակոչելով։
Չի նշվում, թե կոնկրետ որտեղ տեղի կունենան զորավարժությունները։ Հայտնի է միայն, որ դրանցում 10 հազար զինծառայող կներգրավիի, ինչպես նաև մինչև 500 միավոր տանկ, զրահապատ տեխնիկա, տարբեր տրամաչափի մինչև 300 հրթիռահրետանային միավորներ, ականանետներ, ավիացիոն միջոցներ և այլն։
Կիրականացվեն հարձակողական բնույթի գործողություններ, մի քանի ուղղություններով պայմանական թշնամուն կհասցվեն հարվածներ, ինչպես նաև հրթիռահրետանային հարվածներ՝ թշնամու թիկունքում գտնվող ռազմավարական նշանակություն ունեցող կառույցներին։