Բրազիլիայի նախագահ Ժաիր Բոլսանարուն կոշտ քննադատության է ենթարկվել Twitter-ում բրազիլական դիմակահանդեսից անպատշաճ տեսագրություն հրապարակելուց հետո, հաղորդում է BBC-ն։
Բոլսանարուն երկու տղամարդուն մասնակցությամբ տեսագրություն է հրապարակել, որոնք փողոցային երեկույթի ժամանակ տաքսիի թափքին սեքսով են զբաղվում։
Նախագահի խոսքով՝ ինքը ցանկացել է բացահայտել իրականությունը փառատոնի վերաբերյալ։
«Անհրամար եմ զգում դա ցույց տալ, բայց մենք պետք է ճշմարտությունը բացահայտենք, որ բնակչությունը տեղյակ լինի»,-գրել է նախագահը, որը Twitter-ում շուրջ 3․5 մլն հետևորդ ունի։
Մեկ այլ տեսագրությունում մի տղամարդը միզում է մյուսի գլխին՝ Սան Պաուլուի կենտրոնում, ամբոխի ներկայությամբ։
«Դա այն է, ինչի վերածվել են շատ փողոցային երեկույթներ՝ բրազիլական դիմակահանդեսի ժամանակ»,-հավելել է նա՝ մարդկանց առաջարկելով «մեկնաբանել և եզրակացությունների հանգել»։
Նշվում է, որ հրապարակումները մեկնաբանություններում բազմաթիվ վեճերի տեղիք են տվել։ Նախագահի կողմնակիցները կոշտ քննադատության են ենթարկել տեսագրությունները հրապարակելու նրա որոշումը։
