Adidas ընկերության երեք նախկին թոփ մենեջերները դատապարտվել են ազատազրկման՝ դպրոցների բասկետբոլային թիմերի մարզիկների ընտրության հարցում խարդախության դիմելու համար: Այս մասին հայտնում է AP գործակալությունը:
Խոսքը Adidas-ի նախկին գլխավոր տնօրեն Ջեյմս Գաթոյի, ֆինանսական տնօրեն Քրիստիան Դոքինզի և բասկետբոլի երկրպագուների լիգայի ղեկավար Մերլե Կոդի մասին է:
Մարտի 5-ին կայացել է դատական նիստը, որտեղ դատավոր Լյուիս Կապլանը վճիռ է կայացրել այս գործով. Գաթոն դատապարտվել է 9 ամիս, իսկ Դոքինզն ու Կոդը՝ յուրաքանչյուրը վեց ամիս ազատազրկման:
Ըստ մեղադրանքի, նրանք ընկերության կողմից վճարել են պոտենցիալ բասկետբոլիստներին և նրանց ընտանիքներին, որպեսզի նրանք պայմանագրեր կնքեն Adidas-ի կողմից հովանավորվող դպրոցների, ինչպես նաև սպորտային ապրանքանիշերի, գործակալների և նույնիսկ դարձակների հետ:
Նրանք այս սխեմայով աշխատել են Լուիսվիլ, Կանզաս և Հյուսիսային Կարոլինա նահանգներում:
