Լեհական երկու քաղաքների քաղաքապետերը սպառնալիքներով և փամփուշտի պարկուճներով նամակներ են ստացել, հաղորդում է RMF24-ը:
Մասնավորապես, Ռյաշեվի քաղաքապետ Թադեուշ Ֆերենցը հաշվեհարդարի սպառնալիքներով, ինչպես նաև փամփուշտի պարկուճով անանուն նամակ է ստացել: Ոստիկանությունը զբաղվում է գործի հետաքննությամբ:
Նմանատիպ ծանրոց է ստացել նաև Կրակովի քաղաքապետ Յացեկ Մայխրովսկին: Ոստիկանությանը հաջողվել է ձերբակալել ուղարկողին, որը 28-ամյա տեղի բնակիչ է եղել:
Դեռևս ճշտված չէ երկու միջադեպերի միջև եղած հավանական կապը:
Նմանատիպ սպառնալիքների համար մեղադրվողին մինչև երեք տարվա ազատազրկում է սպառնում:
