Արդեն մի քանի օր է թեժ քննարկումներ են ընթանում՝ կապված մի շարք մշակութային հաստատությունների լուծարման առաջարկի հետ, որը նախատեսվում է ներկայացնել Կառավարության քննարկմանը: «Առաջին լրատվական»- ի հետ թեմայի շուրջ զրույցում Հովհ. Թումանյանի անվան տիկնիկային թատրոնի տնօրեն և գեղարվեստական ղեկավար Ռուբեն Բաբայանը նշեց. «Ցավոք մոտավորապես 30 տարի մեր երկրում տեղի չի ունենում բարեփոխում թատերական գործի կազմակերպման առումով:
Թատրոնների ղեկավարների խորհուրդ ստեղծելու ցանկությունը ծագել էր երկու-երեք ամիս առաջ, վերջին իրադարձությունները համընկան»:
«Մշկութային հաստատությունների լուծարման վերաբերյալ առաջարկը շատ անգրագետ փաստաթուղթ է»,- նշեց Ռ. Բաբայանը՝ հավելելով, որ նման անհեթեթ առաջարկին լուրջ չի վերաբերվում:
Ռ. Բաբայանի դիտարկմամբ՝ բարեփոխումներն անհրաժեշտություն են, բայց յուրաքանչյուր բարեփոխման հիմքում պետք է լինի որոշակի գաղափար:
«Երկրները, ժողովուրդները մրցակցության մեջ են, և այդ մրցակցության մեջ հաղթում է որակը: Ինչպե՞ս հասնել ազգաբնակչության որակին, եթե չես օգտագործում մշակույթը… Ավելին՝ բիզնեսը պահանջ ունի քաղաքակիրթ հասարակության: Եթե հասարակությունը քաղաքակիրթ չէ, մի օր կացնով կտան գլխին, և հարստությունը կխլեն»:
Մանրամասն՝ տեսանյութում:
