Բրիտանացի դերասան Յեն Մաքքելենը խոսեց հոլիվուդյան կինոգործիչների մասին, որոնք մեղադրվում էին սեռական ոտնձգությունների մեջ: Այս մասին նա հայտարարել է National Student Pride միջոցառման ժամանակ, գրում է gazeta.ru-ն:
Ինչպես նշվեց՝ Մաքքելենը խոսեց գործընկերների՝ամերիկացի դերասան Քևին Սփեյսիի և ռեժիսոր Բրայան Սինգերի դեմ առաջադրված մեղադրանքների մասին:
«Շատերը թաքցրել են իրենց կողմնորոշումը: Այստեղից է գալիս նրանց բոլոր անձնական խնդիրներն ու խնդիրները շրջապատի հետ հարաբերություններում»,- ասել է Մաքքելենը:
Նա ավելացրեց, որ եթե Սփեյսին, Սինգերը և այլոք կարողանան իրենք իրենց և սեփական ցանկությունների մասին բացահայտ խոսել, իրենց այլ կերպ կպահեին և այս մեղադրանքներին չէին հասնի: Մաքքելենը նշեց, որ ամեն մեկն ինքն է որոշում՝ ինչպես վերաբերվել այն մարդկանց, որոնց նկատմամբ այդպիսի մեղադրանքներ են առաջադրել:
