Apple ընկերությունը Բրազիլիայում բացել է իր առաջին ֆիրմային խանութը Լատինական Ամերիկայում՝ գրում է The Los Angeles Times-ը: Ռիո դե Ժանեյրոյի արվարձանում առևտրի կետի բացումը հագեցրել է մոտ 1700 հոգանոց բազմության կուտակման:
Ընկերությունը որոշել է խանութ ստեղծել՝ առավել ակտիվորեն խթանելու իր ապրանքների վաճառքը առանցքային շուկայում: Բրազիլիայի աճող միջին դասը ներառում է մի քանի տասնյակ միլիոն մարդու, ինչը կարող է Apple-ին տարեկան միլիարդների հավելյալ եկամուտ բերել, հատկապես այս տարի Ֆուտբոլի աշխարհի առաջնության և 2016-ի ամառային օլիպիական խաղերի անցկացման ֆոնին:
Ավելի վաղ ամերիկյան կորպորացիան արդեն պայմանավորվել էր Բրազիլիայում իր սմարթֆոնների ու պլանշետների հավաքման մասին, 2013-ին արտադրություն էր սկսվել: Այնուհանդերձ, գները դեռ բարձր են: iPhone 5-ը Բրազիլիայում արժե 1174 դոլար, մինչդեռ ԱՄՆ-ում՝ 650 դոլար:
Վաճառքի ծավալով տեղական շուկայում գերակայում է Samsung-ը, որը երկրում վաճառում է սմարթֆոնների ընդհանուր թվի մոտ 42.4 տոկոսը: LG-ի մասնաբաժինը շուկայում 13.3 տոկոս է, իսկ Apple-ինը՝ 9.1 տոկոս:
