«Լեռնային Ղարաբաղի հարցը եղել և մնում է մեր թե՛ արտաքին, թե՛ ներքին քաղաքական առանցքային հարցերից մեկը: Այն դիսկուրսները, որոնք ծավալվում են հանրային և քաղաքական հարթակներում, չափազան կարևոր են, որովհետև դրանք ոչ միայն կարող են և ազդում են իրական քաղաքականության վրա, այլ նաև ձևավորում են պատկերացումներ, որոնք հաճախ չեն համապատասխանում իրականությանը: Այս առումով շատ կարևոր է դիսկուրսների հետազոտությունը: Այս մասին «Լեռնային Ղարաբաղի հիմնախնդիրը ներքաղաքական դիսկուրսում» քննարկմանն ասաց ՄԱՀՀԻ ասոցացված փորձագետ, սոցիոլոգ Սյուզաննա Բարսեղյանը:
Քննարկման բանախոս, «Ռեգիոն» հետազոտական կենտրոնի ղեկավար Լաուրա Բաղդասարյանը հանդես եկավ «Ղարաբաղյան հակամարտությունը որպես Հայաստանում ներքաղաքական մրցակցության գործոն – 2018» վերտառությամբ զեկույցով՝ ներկայացնելով վերջերս իրականացված հետազոտության ուշագրավ դիտարկումները 2018թ. դեկտեմբերի 9-ի խորհրդարանական ընտրություններին ընդառաջ դրանց մասնակցող քաղաքական ուժերի ծրագրերում ու քարոզարշավում Արցախյան հակամարտության գործոնի վերաբերյալ:
Ըստ հետազոտության արդյունքների՝ ԼՂ հակամարտությունը վարչապետ Փաշինյանի քաղաքական պայքարի առանցքում առաջնային չի եղել ու չի շահարկվել:
Քննարկման մասնակից, լեզվաբան, հրապարակախոս Նարինե Դիլբարյանը նկատեց, որ այն կուսակցությունները, որոնք Արցախի հարցը դարձրել էին առանցքային՝ ՀՅԴ-ն, ՀՀԿ-ն և «Սասնա ծռերը», չհայտնվեցին խորհրդարանում:
Մանրամասն՝ տեսանյութում:
