Ամերիկացի միլիարդատեր Իլոն Մասքը հինգ նոր հիփոթեքային վարկ է ձևակերպել և մեկը վերավարկավորել է Morgan Stanley բանկում, հաղորդում է Bloomberg-ը:
Ձեռնարկատիրոջը տրամադրած փոխառու միջոցների ընդհանուր գումարը կազմել է 61 մլն դոլար: Վարկերը տրվել են 2018 թվականի վերջին օրերին, սակայն լուրը հայտնի դարձավ միայն 2019 թ. փետրվարին: «Սա ցույց է տալիս, որ նույնիսկ ամենահարուստ մարդիկ դիմում են բնակարանային վարկերին`իրացվելիությունը պահպանելու համար»,- ասել է գործակալությունը: Նրա խոսքերով՝ Մասքը հիփոթեքային վարկ ձևակերպած աշխարհի ամենահարուստ մարդկանցից է, այդ թվում են՝ Facebook-ի հիմնադիր Մարկ Ցուկերբերգը, ներդրող Քեն Գրիֆինը և փոփ երգչուհի Բեյոնսեն: Գրիֆինը 2016 թվականին վարկ է վերցրել 114 մլն դոլարով բնակարան ձեռք բերելու համար:
Bloomberg-ի տվյալներով՝ գործարարը վարկերը ձևակերպել է Լոս Անջելեսի Բել Էյր և Սան Ֆրանցիսկոյի Հիլսբորո թաղամասում չորս տուն ձեռք բերելու համար:
