Մեծ Բրիտանիայի մայրաքաղաք Լոնդոնի O2 հրապարակում անց է կացվել Brit Awards 2019 փոփ երաժշտության ոլորտում մրցանակաբաշխության արարողությունը։ Այդ մասին գրում է iz.ru-ն։
Նշվում է, որ շոուն սկսել է ավստրալացի դերասան Հյու Ջեքմանը կատարելով «The Greatest Show» երգը, որը «Մեծագույն շոումեն» ֆիլմի ուղեկցող երգն է։ Անմիջապես դրանից հետո էլ սկսվեց արարողությունը։
Լավագույն բրիտանական փոփ խումբ է ճանաչվել The 1975-ը, ովքեր պարգևատրվել են A Brief Inqnuiry into Online Relationships ալբոմի համար։ Լավագույն կատարող է ճանաչվել Ջորջ Էզերը, իսկ լավագույն երգչուհին է դարձել Ջորջա Սմիթը։
Լավագույն բրիտանական երգի համար պարգևատրվել է դի ջեյ Քելվին Հարիսը։ Արարողության ժամանակ նաև մրցանակ է հանձնվել Pink-ին երաժշտության ոլորտում զգալի ավանդ ունենալու համար։ Նշվում է, որ երգչուհին առաջին օտարերկրյա արտիստն է, ով ստանում է այդ մրցանակը։
