«Օրակարգում սահմանադրական փոփոխությունների հարց, որպես այդպիսին, չկա, բայց այն երկրները, որոնք անցնում են այն ճանապարհով, որով մենք ենք անցել, նման փոփոխությունների անհրաժեշտություն ունեն»,- «Առաջին լրատվական»-ի հետ զրույցում ասաց «Իմ քայլը» խմբակցության պատգամավոր Հովիկ Աղազարյանը՝ տրամաբանական համարելով այդ մասին խոսակցությունները:
Անդրադառնալով Հայաստանում կիսանախագահական համակարգին անցնելու վերաբերյալ ՀԱԿ-ի առաջարկին՝ մեր զրուցակիցն ասաց. «Հայաստանի նման պետության համար կիսանախագահական համակարգ չկա, դա անմիջապես կվերածվի նախագահական համակարգի, որին ես կատեգորիկ դեմ եմ»:
Հովիկ Աղազարյանի խորին համոզմամբ՝ փոքր, միատարր էթնիկ պետությունների համար կառավարման միակ ճիշտ ձևը պառլամենտական համակարգն է. «Մենք երբեք չպիտի պայմանավորենք անձերով. լավ անձ հասկացողությունը պետք է երկրորդական լինի մեխանիզմների նկատմամբ. լավ մեխանիզմ՝ լավ անձնավորություն, իհարկե, գերազանց է»:
Առավել մանրամասն՝ տեսանյութում:
