Իրանի արտգործնախարար Ջավադ Զարիֆը Մյունխենի անվտանգության հարցերով համաժողովում հայտարարել է, որ Իսրայելի հետ պատերազմ սկսելու վտանգը շատ մեծ է: Այս մասին հաղորդում է Reuters-ը:
Նրա խոսքով՝ Իսրայելի և ԱՄՆ-ի գործողությունները մեծացնում են այդպիսի իրադարձությունների զարգացման հավանականությունը:
«Հստակ է, որոշ մարդիկ պատերազմ են փնտրում… Իսրայել»,- ասել է Զարիֆը:
Դիվանագետն ընդգծել է, որ ռիսկը մեծ է, և այն կարող է միայն աճել, եթե ԱՄՆ-ը և Իսրայելը շարունակեն «աչք փակել» միջազգային իրավունքի լրջագույն խախտումների վրա: