ԱՄՆ դատարանը մեքսիկացի նարկոբարոն Խոակին «Էլ Չապո» Գուսմանին մեղավոր է ճանաչել թմրանյութերի անօրինական վաճառքի գործով, հաղորդում է Reuters-ը:
Գործակալության տվյալներով, Գուսմանը մեղավոր է ճանաչվել թմրանյութերի շրջանառության գործի բոլոր տաս դրվագներով:
Դատավարությունը տևել է 11 շաբաթ, այժմ Բրուկլինի դատարանը կհրապարակի դատավճիռը: Նշվում է, որ 31-ամյա Գուսմանին ցմահ ազատազրկում է սպառնում:
Էլ Չապոն ղեկավարել է Սինալոա մեքսիկական նարկոկարտելը: Ուսամա բեն Լադենի մահից հետո, Forbes-ը Գուսմանին աշխարհի ամենավտանգավոր հանցագործն է անվանել, հաղորդում է BBC- ն:
Ավելի վաղ հաղորդվել էր, որ Էլ Չապոյին մեղադրել են մանկապղծության մեջ:
