«Հրապարակ»-ը գրում է. « ՀՀԿ ԳՄ նիստը դարձել է կայուն-շարժական. այն այս անգամ կկայանա այսօր՝ հինգշաբթի օրը: ՀՀԿ ծերերն ասում են` մարսում ենք նախորդ ԳՄ-ների նստվածքը. փորձում ենք քաղաքական հանձնաժողովի գոյությունը մոռացության չմատնել: Այս ուղղությամբ ամենաակտիվն աշխատում է քաղհանձնաժողովի նախագահ Հովիկ Աբրահամյանը, որը նախորդ օրը, երբ իր մոտ է հավաքած եղել ԵՄ խորհրդարանական պատվիրակությանը, փորձել է պատվիրակներին ցույց տալ, որ Ֆարմանյանին «ասողն» ինքն է, մի քիչ էլ՝ Էդիկ Նալբանդյանը: Հետն էլ հաթաթա է տվել Ֆարմանյանին, թե ինչու չես ասել, որ որոշումդ միանձնյա չէ, այլ «խմբակային», այն է` քաղաքական-հանձնաժողովային:
Սակայն, մեր տեղեկություններով, Սամվել Ֆարմանյանը Ստրասբուրգից «կապվել» է միայն Նալբանդյանի հետ, ճշտել վերջինիս հետ իր անելիքն ու ասելիքը, ինչն էլ հունից հանել է քաղհանձնաժողովի ղեկավարին, և ստեղծված աղմուկն էլ հենց այդ «կոնտեքստում» է, որպեսզի այլևս ոչ այդ և ոչ էլ մեկ այլ խորհրդարանական պատվիրակություն չհամարձակվի Արգամիչից բարձր թռչել»,–գրում է թերթը։
Մանրամասները՝ թերթի այսօրվա համարում։
