Ռուսաստանի իշխանությունները սկսել են կասկածել Վենեսուելայի գործող նախագահ Նիկոլաս Մադուրոյի՝ երկրի ղեկավարի պաշտոնում մնալու ունակությանը։ Այս մասին հաղորդում է Bloomberg-ը։
Նշվում է, որ ռուսական իշխանությունները շարունակում են հրապարակավ աջակցություն ցուցաբերել Մադուրոյին, սակայն հիշեցնում են, որ «Վենեսուելայի աղքատ վիճակը» երկրի նախագահին զրկում է վերջին կողմնակիցներից։
Գործակալությունը նշում է նաև, որ Մադուրոն չի կարող ակնկալել ռազմական ռեսուրսի օգնությունը, քանի որ Վենեսուելայի բանակը պատրաստ չէ ուժ կիրառել բողոքի ակցիաներին մասնակցող համաքաղաքացիների նկատմամբ։
Հեղինակները նաև նշում են, որ Մոսկվան դաշնակցին օգնություն ցուցաբերելու տարբերակներ չունի․ ճգնաժամում գտնվող Վենեսուելայի տնտեսությունը փրկել չի հաջողվի, իսկ ռազմական օգնությունն անհնար է աշխարհագրական հեռավոր դիրքերի պատճառով։
