Ճապոնական Toyota ավտոկոնցեռնը ողջ աշխարհում հետ է կանչում 1.9 մլն ավտոմեքենա՝ ծրագրային խնդիրների պատճառով: Այս մասին հայտնում է France Press գործակալությունը:
Հաղորդվում է, որ թերությունները կարող են մեքենայի հանկարծակի կանգի պատճառ դառնալ: «Որոշ դեպքերում ուժային սարքը կարող է անջատվել, և մեքենան կանգ կառնի նույնիսկ վարելու ընթացքում»,- ասվում է ընկերության հայտարարության մեջ:
Հետկանչը տարածվում է 2009-2014թթ. արտադրության Prius մոդելի մեքենաների վրա:
Սա վերջին մի քանի ամիսներին հետկանչի առաջին դեպքը չէ: 2013-ի հոկտեմբերին Toyota-ն որոշել էր 885 հազար մեքենա հետ կանչել ողջ աշխարհում՝ օդորակման համակարգի խնդիրների պատճառով, իսկ սեպտեմբերին մոտ 700 հազար Toyota Sienna միկրոավտոբուս էր հետ կանչվել Հյուսիսային Ամերիկայում՝ փոխանցումների տուփի թերության պատճառով:
