Բելառուսը պատրաստ Է բոլոր երկրների հետ փոխգործակցել հարգանքի և օրինավորության սկզբունքների հիման վրա: Այդ մասին հունվարի 21-ին հայտնել է Բելառուսի նախագահ Ալեքսանդր Լուկաշենկոն՝ ընդունելով արտասահմանյան պետությունների դեսպանների հավատարմագրերը:
«Մեր երկիրը պատրաստ է գործակցել Արևմուտքի և Արևելքի, Հյուսիսի և Հարավի հետ, եթե այն կառուցվի հարգանքի, անկեղծության և օրինավորության սկզբունքների վրա»,- ասել է Լուկաշենկոն: Նրա խոսքով՝ իր աշխարհաքաղաքական դիրքի հաշվառմամբ, Մինսկը, ինչպես ուրիշ ոչ ոք, շահագրգռված է խաղաղությամբ, կայունությամբ և ոչ կոնֆլիկտային ու արդյունավետ գործընկերությամբ: Լուկաշենկոն ընդգծել է, որ Բելառուսը եվրասիական տարածքում ինտեգրացիոն գործընթացների նախաձեռնողներից և ակտիվ մասնակիցներից մեկի հաստատուն կարգավիճակ է ձեռք բերել: «Խորապես համոզված եմ, որ Մինսկը կարող է Եվրաատլանտիկայի և Եվրասիայի պետությունների անվտանգության հարցերի շուրջ նոր լայնընդգրկուն երկխոսության վայր դառնալ,- ասել է Բելառուսի ղեկավարը:- Մենք հետագայում էլ կնախաձեռնենք խաղաղասիրական, համագործակցության միավորող նախագծեր, և, իհարկե, կաջակցենք ձեր բոլոր բարի ձեռնարկումներին», հաղորդել է ՏԱՍՍ-ը:
