«Կարծում եմ՝ նոր ձևավորված խորհրդարանը պետք է ուշադրության կենտրոնում պահի հայ-ամերիկյան օրակարգը։ Այսօր ԱՄՆ ղեկավարը մի մարդ է, որն ունի բիզնես մտածելակերպ։ Սա նշանակում է, որ մեզ համար պետք է առաջնային լինի տնտեսական հարաբերությունների խորացումը, բիզնեսի համար համապատասխան միջավայր ստեղծելն ու ներդրումները»,- «Առաջին լրատվական»-ի հետ զրույցում ասաց միջազգայնագետ Սուրեն Սարգսյանը։
Հայաստանը ԱՄՆ-ի համար 170-րդ առևտրային գործընկերն է ու դա չափազանց վտանգավոր է. «Թրամփի առաջ թվեր են դնում ու նա պարզում է, որ Ադրբեջանը 107-րդն է, իսկ Հայաստանը 170-րդը։ Սա, իհարկե, որոշակի սպասումներ ու մոտեցումներ է ձևավորում։ Նոր խորհրդարանից ակնկալում են դիվանագիտության ակտիվացում՝ որպես արտաքին քաղաքականության իրականցման գործիքներից մեկը։ Ամբողջությամբ ԱԳՆ-ի վրա թողնել չենք կարող՝ մանավանդ ԱՄՆ-ի դեպքում, գիտեք, որ այնտեղ Կոնգրեսը բավականին ուժեղ և ազդեցիկ մարմին է»։
Ըստ Սարգսյանի՝ պետք է ակտիվ դիվանագիտական աշխատանք տարվի, այլապես այդ ուղղությունը կտապալվի, ինչը չի բխում Հայաստանի ու հայ ժողովրդի շահերից։
Հարցազրույցն ամբողջությամբ՝ տեսանյութում։
