Լեսբուհի ամուսինները մեղադրվում են կրտսեր դստեր՝ Լորեն Ուեյդի սպանության մեջ: Երեխային պահել են աղտոտ և գարշահոտ բնակարանում, նա մահացել է 2015-ի մարտին, երկու տարեկան հինգ ամսականում՝ քաղցից: Տանը գիտակցությունը կորցրած երեխան մահացել է հիվանդանոց տեղափոխվելուց կես ժամ անց, գրում է Daily Mail-ը:
Երեխան կեղտոտ է եղել, նրա ամբողջ մարմինը պատած է եղել ոջիլներով: Իր կարճ կյանքի ընթացքում 17 ամիս նա ոջլոտ է եղել: Շտապօգնության մեքենան, որում եղել է Լորենը, ավելի ուշ աղտահանել են:
Բնակարան այցելած ոստիկանն ասել է, որ ավելի զզվելի կացարան երբևէ չի տեսել:
38-ամյա Մարգարեթ Ուեյդը (Լորենի կենսաբանական մայրը) և նրա 37-ամյա զուգընկերուհի Մերի Սունին 15 տարի է միասին են: Բացի Լորենից, նրանք ևս երկու ավագ երեխաներ ունեն:
Մարգարեթին և Մերիին Գլազգոյի դատարանն առանձին-առանձին վեց տարի, չորս ամսվա կալանքի է դատապարտել:
