Այսօր՝ հունվարի 15-ին, ԱԺ-ն շարունակում է իր աշխատանքները: ԱԺ նախագահ Արարատ Միրզոյանը ԱԺ փոխնախագահի ընդդիմադիր թեկնածուի ընտրության հարցը համարեց չափազանց պարզ. «Չնայած ավելացրին զանազան ենթատեքստեր և նրբերանգներ»:
Նա ընդգծեց, որ ինքը նախապատվությունը կտար կին թեկնածուին, եթե ընտրությունը կայանար այլ՝ հավասար պայմաններում. «Եթե ես ընտրություն կատարեի երկու ուժերի միջև, ես չէի ընտրի ոչ մեկին՝ իմ քաղաքական ուժի ընտրությունը ես վաղուց արել եմ: Սա քաղաքական դաշտում և խորհրդարանում դիրքավորվելու հարց է: Կա սկզբունք՝ «Իմ քայլը» իրեն իրավունք չի համարում փոխել ժողովրդի քվեարկությամբ հաստատված համամասնությունը: Սա միակ բանն է, որ կարող է ունենալ «Իմ քայլը» ընտրություն կատարելիս»:
Միրզոյանի խոսքով՝ նախնական կոնսուլտացիաների ժամանակ իրենք հաճույքով համաձայնել են երբևէ ընդդիմության նախագահության տակ չեղած հանձնաժողովներից մեկը զիջել «Լուսավոր Հայաստան»-ին:
Մանրամասները՝ տեսանյութում: