Մինչ Մեծ Բրիտանիայի խորհրդարանը քննարկում է երկրի վարչապետ Թերեզա Մեյին անվստահության քվե հայտնելու հարցը, Тhe Guardian պարբերականը ներկայացրել է պաշտոնանկության դեպքում վարչապետի հավանական թեկնածուների ցանկը:
Նրանց շարքում առաջինը Brexit-ի գծով նախկին քարտուղար Դոմինիկ Ռաաբն է: Նրան հաջորդում են Լոնդոնի նախկին քաղաքապետ Բորիս Ջոնսոնը, Մեծ Բրիտանիայի արդարադատության նախկին նախարար Մայքլ Գոուվը, ներքին գործերի նախկին նախարար Ամբեր Ռուդը, արտաքին քաղաքական գերատեսչության ղեկավար Ջերեմի Հանթը, ներքին գործերի նախարար Սաջիդ Ջավիդը, միջազգային զարգացման հարցերով նախարար Փենի Մորդոնտը:
Մեծ Բրիտանիայի խորհրդարանը կարող է այսօր՝ դեկտեմբերի 12-ին, անվստահություն հայտնել վարչապետ Թերեզա Մեյին:
Արդեն մեկ շաբաթ բրիտանական խորհրդարանում քաոսային իրավիճակ է, քանի որ ընդդիմադիր օրենսդիրները չեն ցանկանում հաստատել Մեյի կողմից ներկայացված ու Brexit-ի գործընթացը հաստատող փաստաթուղթը:
Հայտնի է, որ վարչապետին անվստահության քվե հայտնելու համար հավաքվել են Համայնքների պալատի անհրաժեշտ քանակությամբ օրենսդիրների դիմումներ:
Մեծ Բրիտանիայի՝ Եվրամիության կազմից դուրս գալու վերաբերյալ փաստաթուղթը պետք է ստորագրվի մինչև մարտի 29-ը:
