ՀՀ ԱԺ արտահերթ ընտրությունների նախընտրական քարոզարշավների ժամանակ և՛ հայկական, և՛ ռուսական, և՛ ադրբեջանական «ֆեյք»-էջերը «Ֆեյսբուք» սոցիալական ցանցում զգալիորեն պասիվ են եղել:
Անդրադառնալով նախընտրական քարոզարշավի ժամանակ սոցիալական ցանցերում «ֆեյք»-օգտատերերի թեմային, այս մասին լրագրողների հետ զրույցում ասաց մեդիափորձագետ Սամվել Մարտիրոսյանը:
«Այս ընտրություններին զարմանալիորեն պասիվ էին ինչպես ադրբեջանական, այնպես էլ ռուսական «ֆեյքերը»։ Հայաստանում նույնպես բավականին քիչ էին նմանատիպ էջերը, և այն լեգենդները, թե նրանք չափազանց շատ էին՝ չեն համապատասխանում իրականությանը: Մի կարևոր հանգամանք կա՝ այս ամեն ինչը համընկել է «Ֆեյսբուք» սոցիալական ցանցի կողմից «ֆեյք»-օգտատերերի դեմ պայքարի հետ: Նմանատիպ էջեր բացելն այսօր շատ է բարդացել»,- նշեց Մարտիրոսյանը և հավելեց, որ կայքը շատ հեշտությամբ «գտնում» և ջնջում է նմանատիպ էջերը:
Ադրբեջանի կողմից պասիվության մասին խոսելիս՝ մեդիափորձագետն ընդգծեց, որ գուցե տվյալ երկրի վերին օղակներից համապատասխան հրահանգ չի եղել։
