Ռուս երաժիշտ, ДДТ խմբի անդամ Յուրի Շևչուկը կտրուկ քննադատել է Ուկրաինայում տեղի ունեցող իրադարձությունները, ինչպես նաև աջակցել է ուկրաինացիների՝ հանցավոր իշխանությանը տապալելու ձգտմանը:
Эхо Москвы ռադիոյին տված հարցազրույցում Յուրի Շևչուկը հայտնել է իր համարձակ կարծիքը. «Ես անհանգստանում եմ Ուկրաինայի համար, Ուկրաինայի ժողովրդի, սովորական մարդկանց և քաղաքացիների համար: Ես Կիևում, Խարկովում, Դոնեցկում, Լվովում շատ ընկերներ ունեմ: Մենք հաճախ են համերգներ տալիս այնտեղ, երգում ենք, շփվում: Կարծում եմ՝ իմ ազգանունն էլ այնտեղի ծագում ունի: Այդ պատճառով էլ ես այդ իրադրությունն անհանգստությամբ եմ ընկալում: Այն շատ բաներում ողբերգական է: Սակայն, չեմ վախենա այդ բառից, նաև հոգևոր է: Եվ այնտեղ իրադրությունն այժմ շատ բարդ է: Եվ եթե խոսենք կառավարության մասին, ես իհարկե՝ կողմ չեմ այդ կառավարությանը: Շատ բան գիտեմ Յանուկովիչի, նրա թիմի մասին»,- ասում է Շևչուկը:
Երաժշտի կարծիքով՝ մարդիկ հրապարակ են դուրս եկել, քանի որ այդ իշխանությունների հետ Ուկրաինայի համար ապագա չեն տեսնում:
Հարցազրույցի ավարտին Շևչուկն ուկրաինացիներին մաղթել է, որպեսզի նրանք գտնեն խնդրի քաղաքական լուծումը, իսկ իշխանությունները քաղաքացիների դեմ ուժ չկիրառեն. «Իշխանությունները պետք է լուրջ զիջումների գնան, քանի որ այդպես է դասավորվում պատմական իրադրությունը: Այլապես, Աստված չանի, ոչ մի դեպքում չի կարելի թույլ տալ, որ քաղաքացիական պատերազմ սկսվի»:
