Նոր Զելանդիայի Օտագոյի համալսարանի գիտնականները Յան Ֆլեմինգի գրքերի հիման վրա նկարահանված 24 ֆիլմի վերլուծությունից հետո եզրահանգել են, որ գեղարվեստական ստեղծագործությունների հերոս Ջեյմս Բոնդը տառապել է ալկոհոլային կախվածության ծանր տեսակով, որի դեպքում հետախուզության ոլորտում աշխատելն անհնար է: Հետազոտողները պարզել են, որ Բոնդը ֆիլմում միջինում 4.5 անգամ հարբեցողությամբ է զբաղվում, իսկ ընդունած ալկոհոլի միջին չափաբաժինը պետք է որ ծանր ալկոհոլային թունավորման պատճառ դառնար:
Գիտնականների գնահատմամբ, ալկոհոլի ամենամեծ քանակը գործակալն օգտագործել է «Գթասրտության քվանտ» ֆիլմում՝ նվազագույնը 24 միավոր խմիչք, որը ոչ միայն բացառում է որևէ հետախուզական գործողություն իրականացնելու հնարավորությունը, այլև անհամատեղելի է նորմալ գոյության հետ: Ալկոհոլի այսպիսի քանակին բավականին ողջամիտ բացատրություն է տրվել. Բոնդը խմել է ծանր աշխատանքի հետևանքով առաջացած սթրեսից: Նշվում է, որ Ջեյմս Բոնդի մոտ Mi-6-ում աշխատանքը ոչ միայն ալկոհոլային կախվածություն է առաջացրել, այլև մի շարք հոգեկան խանգարումներ:
