Մոսկվայի Խամովնիչեսկի դատարանում կայացած փակ նիստից հետո Եվգենի Պետրոսյանի փաստաբան Սերգեյ Ժորինը հայտարարել է, որ գույքի ցանկից, որը երգիծաբանը կիսում է նախկին կնոջ՝ Ելենա Ստեպանենկոյի հետ, տասնյակ իրեր են անհետացել:
Ժորինի խոսքերով, գույքագրումն իրականացվել է ոչ թե տպագիր ձևով, այլ ձեռքով, այդ պատճառով մի շարք իրեր հնարավոր չի եղել հայտնաբերել: «Բացի այդ, գույքագրման մեջ, որը Ելենա Ստեպանենկոն ներկայացրել է դատարան, մի քանի էջ բացակայել է, որոնց վրա եղել է 60 գեղանկարի նկարագրություն, այսինքն, դրանք մոգականորեն անհետացել են»,- մեջբերում է Ռիա Նովոստին:
Արտիստներն ամուսնալուծվել են 30 տարվա համատեղ կյանքից հետո:
