Որպես կանոն՝ գրողներն են տալիս պատմության ընթացքում տեղի ունեցող փաստերի գնահատականը, և այդ ամենն ամրագրվում է քրոնիկներում: Մենք ապրում ենք մի պատմական ժամանակաշրջանում, որը, ենթադրվում է, մեծ դեր կունենա Հայաստանի ճակատագրի համար: «Առաջին լրատվական»- ի հետ զրույցում, անդրադառնալով այս դիտարկմանը, արձակագիր Գևրոգ Տեր-Գաբրիելյանը նշեց, որ ժամանակ պետք է անցնի՝ կատարվածը հասկանալու և ամբողջությամբ գնահատելու համար. «Իսկ առայժմ էմոցիաներն են շատ, կիրքն է շատ: Հրաշալի հեղափոխություն տեղի ունեցավ՝ անարյուն, թոթափվեց այն սխալ համակարգը, որ փաթաթվել էր երկրի և ժողովրդի վզին, և այս ընտրությունների շնորհիվ ևս մեկ հիմնաքար դրվեց, որպեսզի այդ ժամանակները անվերադարձ լինեն, և որպեսզի Հայաստանը դառնա ունիկալ, զարգացած պետություն, և ունենանք երջանիկ անհատ, հոգատար հանրություն, հզոր հայրենիք»:
Գևրոգ Տեր-Գաբրիելյանի խոսքով՝ ընտրությունների արդյունքները ցույց տվեցին, որ մեր ժողովուդը հասել է հասկացությունների մի մակարդակի, որը բավականին առողջ է:
Նրա դիտարկմամբ՝ ժողովուրդի մեջ կա խոշոր մաս, որն իշխանությունից ուզող է. դա վատ ապրող, քիչ կրթված և տարեց մասն է: Կա մեկ այլ՝ երիտասարդ, կրթված մաս, որն առաջնորդեց հեղափոխությունը և ուզում է ապրել երջանիկ, լիթաոք կյանքով…
Մանրամասն՝ տեսանյութում:
