Խորհրդարանի ընտրության երկշաբաթյա քարոզարշավի գրեթե կեսն արդեն ետևում է, և մասնակից 11 քաղաքական ուժերը փորձել են հանդիպել հանրության հետ, շփվել հանրության հետ և իրենց ասելիքը տեղ հասցնել։
«Լուսավոր Հայաստանն» այն քիչ կուսակցություններից է, որը ծրագրային ընտրարշավ է անցկացնում։ «Իմ քայլը» դաշինքի և ՀՀԿ-ի բանավեճերում արդյո՞ք երևում են ձեր ծրագրային դրույթները, դրանք հանրության պահանջ ունե՞ն «Առաջին լրատվական»-ի հարցին «Լուսավոր Հայաստան» կուսակցության կողմից առաջադրված ԱԺ պատգամավորության թեկնածու Վահրամ Ավագյանը պատասխանեց․ «Կարծում եմ, որ մինչ օրս մեր հասարակության մոտ բաց է եղել այդ հարցը՝ արդյո՞ք մարդիկ ընկալում են այդ ծրագրերը, թե՞ ոչ, արդյո՞ք ուզում են լսել, թե՞ ոչ։ Քարոզարշավի մեկնարկը տրվելուց հետո ամենաառաջին գյուղից սկսած մենք հասկացանք, որ իրականում ժողովուրդը շատ ավելի պատրաստակամ է լսելու մեր ծրագրերը, մեր մոտեցումներն իրենց խնդիրներին տրվող լուծումների վերաբերյալ։ Դա ևս մեկ անգամ ինձ համոզեց, որ խնդիրը մինչ օրս եղել է ոչ թե ժողովրդի հասկանալու մեջ, ծրագրերն ընկալելու մեջ, այլ նրանում, որ մինչ օրս ոչ մեկ չի գնացել մարզեր ու բացատրել նրանց։ Ոչ միայն լավ չեն բացատրել, այլ նույնիսկ չեն էլ փորձել ծանոթանալ ժողովրդի խնդիրներին, չեն էլ փորձել բացատրել նրանց էդ խնդիրներին տրվող լուծումները»։
«Ժողովուրդն էսօր մեծ հույսեր ունի, էսօր պատրաստակամություն է հայտնում լսելու ինչպես մեր, այնպես էլ բոլոր քաղաքական ուժերի կողմից առաջարկվող լուծումները։ Այս ընտրությունները նախորդներից տարբերվում են որակով, բայց, կարծում եմ՝ նույնքան ունեն նմանություն, սակայն մի շարք արատավոր երևույթներ վերացել են»,- ասաց պատգամավորության թեկնածուն։
Ամբողջությամբ՝ տեսանյութում։
