Չինացի երեքամյա երեխան կշռում է 59.87 կգ և ճաշին ուտում է երեք հսկայական ափսե բրինձ: 
Հաոն ծնվել է ընդամենը 2.6 կգ քաշով, սակայն երեք ամսականից սկսած՝ նա սկսել է արագ քաշ հավաքել: 
Չնայած ծնողների ջանքերին՝ Հաոն մեկ տարեկանում 22 կգ քաշ է հավաքել: Նրան ոչինչ չի օգնել՝ ոչ դիետաները, ոչ շարժական խաղերը, ոչ էլ նույնիսկ լողը: 
Փոքրիկ Հաոն այնքան է մեծացել, որ մայրն արդեն չի կարողանում գրկել իր փոքրիկին:
Երեխան ամենից շատ չի սիրում քայլել:
Չնայած իր տեսքին՝ նա շատ հանգիստ երեխա է, ով շատ է սիրում իր ընկերներին: 
Հաոն մանկապարտեզ է հաճախում, նրան մոտոցիկլետով այնտեղ է տանում մայրը:
Երեխան շատ խաղալիքներ ունի, սակայն նրա ամենասիրած խաղալիքը սուպերմենն է, որը նրա կուռքն է:
Ծնողները փորձում են անընդհատ ֆիզիկապես ծանրաբեռնել երեխային, սակայն դրանից նրա ախորժակն ավելի է բացվում:
Ծնողների խոսքերով՝ երեխային զննել են երեք հիվանդանոցներում, սակայն շատակերության պատճառը այդպես էլ չեն գտել: Նրանք անհանգստանում են, որ երեխայի քաշը նույն տեմպերով ավելանալու դեպքում կարող է ազդել նրա սրտի աշխատանքի վրա:
