«Մամուլի հետ սուրճ» հաղորդման նոյեմբերի 29-ի հյուրը 24news-ի հիմնադիր Նարեկ Գալստյանն է։
Մեր զրուցակիցն ընդգծեց՝ ցանկալի կլիներ ավելի մեծ ուշադրություն դարձնել այն հիմնական խոցի վրա, որ կա մեր բոլոր քարոզարշավների ժամանակ՝ ծրագրերի բացակայությունը.«Հասկանալի է, որ ընտրությունների ելքը կանխորոշված է՝ հայտնի իրադարձությունները հաշվի առնելով, բայց այնուամենայնիվ ցանկալի կլիներ, որ մենք իրական ծրագրային բախումներ տեսնեինք»։
Անդրադառնալով վարչապետի պաշտոնակատար Նիկոլ Փաշինյանի հռետորաբանությանը, Նարեկ Գալստյանն ասաց.«Ասֆալտին փռելու հետ միասին անհրաժեշտ է տալ ծրագիր, ուղենիշ՝ ինչպիսի երկրում ենք մենք ցանկանում ապրել։ Վերջին անգամ երբ ասֆալտին փռեցին՝արդյունքում ընդամենը մեր երկու օլիգարխների թիկնապահներին հրավիրեցին պառկելու ասֆալտի վրա, որը կարծում եմ, մեղմ ասած, բավական չէ։ Պետք է հասկանալ, որ օբյեկտիվորեն իրենցից սպասումները շատ-շատ են»։