Երգչուհի Շերը հուզվել է իր կյանքի մասին պատմող բրոդվեյան մյուզիքլի նախացուցադրության ժամանակ՝ տեղեկացնում է Page Six-ը։
Աղբյուրը պատմել է, որ երգչուհին փախել է դահլիճից մինչև ընդմիջումը։ «Նա շատ զարմացած էր որոշ փոփոխություններից, որոնք հեղինակներն արել էին առանց իր համաձայնության»,- նշել է ներկաներից մեկը։
Երգչուհուն մոտ կանգնած աղբյուրները նշում են, որ նա բարկացած է եղել դեռ մինչև բեմադրությունը․ պատճառը Կալիֆորնիայում տեղի ունեցող հրդեհներն են, որոնք հասել են մինչև իր քաղաքը և սպառնում են այրել նաև իր առանձնատունը։
Մեկ այլ աղբյուրի տեղեկացմամբ՝ Շերը չի լքել ցուցադրությունը, այլ դուրս է եկել դահլիճից և շարունակել է հետևել ներկայացմանը պատշգամբից։
Մյուզիքլի պրեմիերան տեղի կունենա դեկտեմբերի 3-ին։
