Օրերս Մամուլի ազգային ակումբի նախագահ, լրագրող Նարինե Մկրտչյանը հանդես եկավ հոդվածով, որտեղ ներկայացրեց «Քաղաքացիական պայմանագրի» կողմից ցուցակում ընդգրկվելու առաջարկը և մերժվելու պատմությունը։ Այնուամենայնիվ, ի՞նչ է տեղի ունեցել «Առաջին լրատվական»-ի հարցին Նարինե Մկրտչյանը պատասխանեց․ «Ես կարծում եմ՝ խնդիրն այն քաղաքական գործընթացներն են, որ տեղի են ունենում Հայաստանում, մասնավորապես՝ կառավարող կուսակցությունում՝ «Քաղաքացիական պայմանագրում»։ Տեղի է ունեցել այն, ինչ ես նկարագրեցի։ Առաջին հանգամանքն այն էր, որ արտաքին քաղաքականության հետ կապված ունեմ որոշակի տարաձայնություն «Քաղաքացիական պայմանագրի» հետ, որը մի քանի ամիս առաջ ուներ նույն տեսակետը, ինչ որ ես։ Դրանք են Հայաստանի Հանրապետության՝ ԵՏՄ անդամակցության դադարեցումը և Եվրամիության հետ հարաբերությունների խորացումը։ Այսինքն՝ փոխվել են ոչ թե իմ հայացքները, այլ փոխվել են իրենք»։
«Շատ մարդիկ գիտեմ, որ կուզենայի լինեին ոչ միայն «Քաղաքացիական պայմանագրի» ցուցակում, այլ նաև այլ կուսակցությունների ցուցակում, որոնք իրենց ներդրումը կունենային նոր Հայաստանի զարգացման համար և օգնել նաև իշխանություններին՝ հեղափոխությունը տրամաբանական ավարտին հասցնելու, բայց չկան։ Այսինքն՝ քաղաքական հետագիծ, արժեքներ, քաղաքական համոզմունքներ ունեցող մարդիկ վտանգ են ներկայացրել «Քաղաքացիական պայմանագրի» շատ անդամների համար»,- հավելեց բանախոսը։
Ամբողջությամբ՝ տեսանյութում։
