ԿԲ-ն որդեգրել է ազատ լողացող կուրսի քաղաքականություն: Այս մասին «Առաջին լրատվական»- ի հետ զրույցում ասաց Կենտրոնական բանկի նախագահի խորհրդական, «Լուսավոր Հայաստան» կուսակցության պատգամավորի թեկնածու Արկադի Խաչատրյանը: Նա նաև նշեց, որ առաջիկայում կթողարկվեն և շրջանառության մեջ կներդրվեն երրորդ սերնդի թղթադրամներ:
Հարցին՝ վարկային տոկոսները բարձր չե՞ն Հայաստանում, Ա. Խաչատրյանը պատասխանեց, որ մեր տիպի երկրի համար դա օպտիմալ գին է: Անդրադառնալով հարցին, թե ինչ վիճակում է հետհեղափոխական Հայաստանի տնտեսությունը, Խաչատրյանը նշեց. «Մեր խնդիրները շատ են, և անելիքներ շատ ունենք: Կայուն տնտեսական աճ և զարգացում ապահովելու համար երկար աշխատանք է պետք»:
Ա. Խաչատրայնն անդրադառանով «Լուսավոր Հայաստան» կուսակցության կողմից որպես պատգամավոր առաջադրվելուն՝ նշեց. «Քաղաքականությամբ չեմ զբաղվել, զբաղեցրել եմ քաղաքացիական պաշտոններ, աշխատել եմ նախագահի աշխատակազմում՝ Ռ. Քոչարյանի և Ս. Սարգսյանի օրոք, պետական համակարգում աշխատել եմ նաև Լ. Տեր-Պետրոսյանի օրոք: Գալիս է մի պահ, երբ ուզում ես ունենալ հնարավորություն քո գիտելիքը և փորձը ներդնելու, և ես որոշեցի մտնել քաղաքական դաշտ: Ինչո՞ւ «Լուսավոր Հայաստան». որովհետև ինձ հոգեհարազատ են այն արժեքները, որի կրողներն են այդ թիմի ղեկավարները»:
Մանրասները՝ տեսանյութում:
