«Մանչեսթեր Յունայթեդ»-ի հարձակվող Ուեյն Ռունիի գործակալ Փոլ Սթրեդֆորդն այսօր փակ հանդիպում է ունեցել ակումբի գործադիր տնօրեն Էդ Վուդվորդի հետ: Զրույցի ընթացքում քննարկվել է Անգլիայի հավաքականի ֆուտբոլիստի ապագայի հարցը:
Հանդիպումը կայացել է Անգլիայի գործող չեմպիոնի մարզաբազայում, որտեղ գործակալն ակումբին առաջարկել է բանակցություններ սկսել` իր հաճախորդի նոր պայմանագրի հարցով:
28-ամյա ֆուտբոլիստի ներկայիս համաձայնագրի ժամկետը «Կարմիր սատանաներ»-ի հետ ուժի մեջ է մինչև 2015թ. ամառը:
Տեղեկացվում է, որ «Յունայթեդ»-ը չի պատրաստվում Ռունիի տրանսֆերը զիջել Մադրիդի «Ռեալ»-ին, որը հետաքրքրված է անգլիացու ծառայություններով: Ակումբը միաժամանակ մերժել է նաև «Չելսի»-ի` հարձակվողի տրանսֆերը վաճառելու 30 մլն ֆունտի առաջարկը:
