2050 թ. օտարերկրյա ներգաղթյալների թիվը Ռուսաստանում կարող է գերազանցել բնակչության մեկ երրորդը: Այս մասին հայտարարել է ՌԴ Պետդումայի միջազգային հարցերով հանձնաժողովի նախագահ Կոնստանտին Կոսաչովը: «Մեր երկրում 2050 թ. ներգաղթյալների մասնաբաժինը, որոշ գնահատականներով, կգերազանի մեր երկրի բնակչության մեկ երրորդը»,- ասել է նա այսօր: Այս մասին հաղորդում է RIA-Novosti գործակալությունը:
«Արդեն այսօր Ռուսաստանում ապրում է մոտ 10 միլիոն մարդ, որոնք այլ պետությունների քաղաքացիներ են: Դա մի ամբողջ Պորտուգալիա է, եթե վերցնենք եվրոպական համարժեքը»,- ասել է Կոսաչովը: Նա տեղեկացրել է, որ, օրինակ, 2009 թ. ներգաղթյալներն իրենց երկրներ են փոխանցել 19 մլրդ դոլար, ինչը Ռուսաստանի ՀՆԱ-ի 2%-ն է կազմում։ «Դա ավելին է, քան աշխատել են գաստարբայտերները Գերմանիայում, որտեղ այդ թիվը կազմել է 16 մլրդ դոլար, Իտալիայում` 13 մլրդ, Իսպանիայում՝ 13 մլրդ»,- մանրամասնել է Կոսաչովը: Այս մասին հաղորդում է Interfax գործակալությունը:
