Հունվարի 19-ի լույս 20-ի գիշերը, պահելով դիրքերը և այդ կերպ իր ծառայակից ընկերներին և ոչ միայն նրանց, փրկած հերոս-զինվորին՝ կրտսեր սերժանտ Արմեն Հովհաննիսյանին ճանաչողները բնութագրում են ուրախ, հավասարակշիռ, ընկերներին հասնող մարդու:
Հունվարի 21-ին տեղի ունեցավ զինվորի հոգեհանգստյան արարողությունը:
Սպայական անձնակազմի ներկայացուցիչները նշում են՝ նա սիրված էր ծառայակից ընկերների կողմից, պարտաճանաչ, ծառայության մեջ՝ մարտունակ, լավ պատրաստված, զինվորների մասին մտածում, հոգում էր, առաջնորդում մարտական խնդիրները լուծելու:
Դասղեկը հիշում է՝ Արմենը խելոք, դաստիարակված երեխա էր, ով երբեք որևէ նկատողության կամ հանդիմանանքի չի արժանացել, ընկերասեր էր: «Գուցե դասերին չէր փայլում, ուղղակի որպես մարդ՝ արտակարգ երեխա էր, հայրենասիրությունը վերջում էլ երևաց: Այնքան լռակյաց էր, երբեք ոչինչ չէր խոսում, սակայն այս քայլն էլ ներքին մղում էր»,- ասաց դասղեկը:
