Սիրիայի ընդդիմությունը ստեղծվել է արտասահմանյան հատուկ ծառայությունների կողմից: Այս մասին Agence France-Presse գործակալությանը տված հարցազրույցի ժամանակ հայտարարել է Սիրիայի նախագահ Բաշար Ալ-Ասադը:
Նախագահը նաև մերժել է երկրի իշխանության մարմինների՝ ընդդիմության ներկայացուցչության հավանականությունը:
«Ընդդիմությունը ստեղծվել է արտասահմանյան հատուկ ծառայությունների կողմից: Նրանք մարդիկ են, որ կես ժամով հատում են մեր երկրի սահմանը և այնուհետև կրկին փախչում են այստեղից: Ինչպե՞ս կարող են նրանք լինել սիրիական կառավարության անդամներ: Մի՞թե նախարարը կարող է իր գործառույթներն իրականացնել՝ մշտապես գտնվելով երկրից դուրս: Այս ամենը ռեալիզմից հեռու գաղափարներ են: Այս ամենը չի կարելի լուրջ քննարկել»,- հայտարարել է Ալ-Ասադը:
