Վենետիկյան հանձնաժողովի նախագահ Ջանի Բուկիկիոն կարծում է որ Վրաստանին անհրաժեշտ է ոչ թե լիովին նոր, այլ ավելի լավը դարձած Սահմանադրություն: Ինչպես հաղորդում է «Գրուզիա Օնլայն»-ը, նա այս մասին հայտարարել է Թբիլիսիում Վրաստանի խորհրդարանի նախագահ Դավիթ Ուսուպաշվիլիի հետ համատեղ մամլո ասուլիսին: Նրա խոսքերով՝ 2010թ. հաստատված Սահմանադրությունը լավն է, սակայն որոշ դրույթներ կատարելագործման կարիք ունեն:
Նա ասել է, որ այժմ Վրաստանում կան շատ լավ փաստաբաններ, որոնք գործնականում Վենետիկյան հաձնաժողովի օգնության կարիք չունեն:
«Կարծում եմ մենք պետք է լինենք ռեալիստ, ձեզ նոր Սահմանադրություն անհրաժեշտ չէ, սակայն եկեք օգտվենք առիթից և լավացնենք դրույթները, որոնք դրա կարիքն ունեն: Սահմանադրությունը պետք է հետևողական լինի, պրակտիկ տեքստ, որը երկրի ժողովրդավարական ինստիտուտներին հնարավորություն է ընձեռում ավելի արդյունավետ գործել»,- հավելել է Բուկիկիոն:
