Հարաավաֆրիկյան ազգային պարկում զբոսաշրջիկները ականատես են եղել երկու ընձառյուծների կատաղի պայքարին, որն ավարտվել է նրանցից մեկի մահով։ Տեսանյութը հրապարակվել է Kruger Sightings YouTube ալիքում։
Տեսանյութի հեղինակը 45-ամյա հյուսն Ռայն Ջենքինսն է։ Նրա խոսքով՝ գազանների բարձրացրած փոշին հեռվից է երևացել։ Երբ փոշին անցել է, նրանք տեսել են, որ ընձառյուծներից մեկը բավականին երիտասարդ է մյուսի համեմատ։ Ինչ-որ ժամանակ զբոսաշրջիկներին թվացել է, թե նրանք խաղում են, սակայն հետո հասկացել են, որ գիշատիչները կենաց-մահու կռիվ են տալիս․ հավանաբար տարածքի համար։
«Երիտասարդ ընձառյուծը չէր հանձնվում, մյուսը խեղդում էր նրան, մինչև վերջինս շունչը փչեց։ Հետո այնպես ուժգին խփեց նրան գետնին, որ մենք լսեցինք գանգի կոտրվելու ձայնը»,- պատմում է Ռայնը։ Մենամարտը տևել է 20-25 րոպե։
