Ֆրանկոֆոնիայի օրերը Հայաստանում անցել են, բայց գագաթնաժողովի հարուցած էյֆորիան դեռ պահպանվում է: ՀՀ արտգործնախարարի օգնական Արման Խաչատրյանն «Առաջին լրատվական»- ի հետ զրույցում նշեց, որ այդ կարևորագույն մեծամասշտաբ միջոցառումը կյանքի կոչվեց հաջողությամբ, որը հաջողված է բոլոր տեսանկյուններից:
«Երբ որ Ֆրանկոֆոնիան դահլիճներից դուրս է գալիս հրապարակներ, դեպի փողոցներ, դեպի մարդիկ, այդ ժամանակ ձևավորվում է էյֆորիան»,- նշեց արտգործնախարարի օգնականը:
Նրա խոսքով՝ կազմակերպիչները փորձել էին Ֆրանկոֆոնիան ավելի մոտեցնել մարդկանց, ավելի հասկանալի դարձնել և այդ նպատակով մի շարք միջոցառումներ էին կազմակերպվել՝ այդ թվում նաև Ֆրանկոֆոնիայի ավանը: «Ֆրանկոֆոնիան միայն պետությունների տոնը չէ, այլ նաև մարդկանց, քաղաքացիների տոնն է, և ամբողջ հասարակությունը պետք է զգա ֆրանկոֆոնիայի շունչը, ինչը մեր դեպքում հաջողվեց»,- նշեց Ա. Խաչատրյանը՝ հավելելով, որ Հայաստանը Ֆրանկոֆոնիային ներկայացավ նոր կերպով:
Խաչատրյանի խոսքով՝ «Ապրել միասին» կարգախոսը Հայաստանի կողմից է առաջարկվել: Նա նաև հավելեց, որ միջոցառման շրջանակում ընդունվել է 6 բանաձև:
Մանրամասն՝ տեսանյութում: