Իրանը պատրաստվում է խողովակաշար կառուցել` գազը Եվրոպա արտահանելու համար: Այս մասին գրում է Hurriyet Daily News-ը` հղում կատարելով Թուրքիայի էներգետիկայի և բնական պաշարների նախարար Թաներ Յըլդըզին: Վերջինիս խոսքերով` Իրանն արդեն նախատեսում է գազ արտահանել հինգ եվրոպական երկրներ:
Նա նաև նշել է, որ Թուրքիան և Իրանը կարող են առաջընթաց ունենալ էլեկտրաէներգիայի վերաբերյալ բարդ հարցերում:
Ինչ վերաբերում է գազամուղին` Յըլդըզը դրա հետ կապված մանրամասներ չի ներկայացրել:
Բացի այդ, նա հույս է հայտնել, որ երկու երկրների հարաբերությունների կարգավորման նպատակով Իրանը կմեղմացնի իր արտաքին քաղաքականությունը: Թուրքիան ևս մտադիր է շարժվել նույն ուղղությամբ: Սակայն դեռևս էներգետիկայի հարցերով Իրաքի փոխվարչապետ Հուսեյն Էլ-Շահրիսթանին և Իրաքի Քուրդիստանի վարչապետը հետաքրքրություն չեն ցուցաբերում այդ առումով:
